Nnamdi Kanu: Ipob leader raise allegation of threat to life and why e neva change cloth since June 2021 – BBC News
Di leader of di banned Indigenous People of Biafra (Ipob), Nnamdi Kanu don claim say im dey experience torture for detention.
Kanu through im lawyer say im condition for detention dey harsh, "degrading and inhumane."
Na di Department of State Services (DSS) hold Kanu since June, 2021 on di order of Federal High court for Nigeria.
Aloy Ejimakor, wey be special lawyer to Nnamdi Kanu for statement wey im bring out on Tuesday claim say na for one small cell wey no get light dem keep di Ipob leader.
Wia dis foto come from, AFP
Men of Nigeria State Secret Police (SSS) dey escort Indigenous People of Biafra (IPOB) leader, Nnamdi Kanu for court on Thursday 21/20/21
Aloy Ejimakor say Kanu life dey threatened by how dem dey treat am for detention.
Ejimakor allege say;
Aloy Ejimakor say all di tins dem dey allegedly do Kanu dey against "di condition of im detention for DSS headquarters for Abuja."
Di DSS say dem no fit tok anything on di allegations sake of say di matter dey court.
"Besides, anybody wey dey vex fit go court as di law advise," Peter Afunanya, tok-tok pesin for di agency tok.
Di Nigerian goment accuse di Ipob oga say im wan secession and also say im dey broadcast lies about President Muhammadu Buhari.
Dem also accuse am say e be member of group goment don outlaw. Most of di accuse dey based on di tins wey im allegedly tok for Radio Biafra wey dey broadcast from outside Nigeria.
On Monday 18 October, goment add more charges to di three im dey face so dis na di amended charges dem.
© 2021 BBC. De external site no concern BBC. De way wey we de take go external link.